Jæja, er ekki kominn tími á smá uppfærslu hérna?!

Jólin eru búin að vera góð hérna megin, eyddum aðfangadagskvöldi hérna heima í friggjarbrunninum og Hermann, Elsa og Sara voru með okkur. Frábær matur a la Gunni og alltof mikið af gjöfum og nammi hehe. Við fengum fullt af góðum gjöfum en hjá mér eru það auðvitað bækurnar frá Gunna sem standa uppúr Hann gaf mér 2 bækur og svo nýjar pílur fyrir pílukastið Það var held ég svona vinsamlegt hint um að nú eigi ég bara að nota mínar eigin pílur því ég er svo afspyrnuléleg í pílukasti að ég er búin að rústa flestum pílunum hans :Þ  Nú get ég farið að æfa mig svo ef einhverjum langar í keppni þá er það alltaf í boði hérna í bílskúrnum hjá okkur hehe:Þ

Á Jóladag fórum við í boð til pabba og svo á laugarvatn þar sem við vorum fram á laugardagskvöld í góðu yfirlæti. Erum síðan bara búin að vera að njóta þess að vera í fríi, enda förum við ekki að vinna fyrr en 2. janúar Áramótunum ætlum við að eyða í Sandgerði með pabba, Ásu og fleira góðu fólki.

Það tekur ekki langan tíma að fara yfir árið 2008 því það voru svo sem ekki margir atburðir sem gerðust í okkar lífi á þessu ári. En þó þeir væru fáir þá voru þeir stórir og ótrúlega mikilvægir

Byrjuðum á því í Janúar að halda innflutningspartí, Frábært partí þar sem kom td. í ljós Sissi er ótrúlega flinkur í að brjóta hinu ýmsu hluti og að Benni vill ekki sofa við hliðina á Gunni því hann er of loðinn á bringunni  
Eftir það fóru næstu mánuðir í brúðkaupsundirbúning þangað til í apríl.. þá tóku okkar yndislegu vinir sig til og gæsuðu og steggjuðu hin tilvonandi hjón Alveg frábærir dagar og ég get amk sagt fyrir mig að ég á yndislegustu vinkonur í heimi sem gerðu allt sem þær gátu til að gera daginn eftirminnilegan fyrir mig... og það tókst svo sannarlega

Loks var maí runninn upp, mánuðurinn okkar.
Þann 17. maí urðum við hjón. Allt fólkið okkar, vinir og fjölskyldur sem gerðu allt sem þau gátu til að hjálpa, óumbeðin... maður var bara orðlaus yfir þessu öllu saman, all the love!
Dagurinn var yndislegur og lífið hefur verið yndislegt síðan.
Það var eiginlega ekki fyrr en á þessum degi sem ég sá framtíðina og gat almennilega horft fram á við; ég mun eyða lífinu með þessum yndislega manni sem elskar mig svo mikið og er svo góður við mig og passar uppá mig.. Mér finnst ég 100% örugg í fyrsta skipti í mörg ár. Með örugg á ég við að ég finn að ég þarf ekkert að hræðast, Gunni er alltaf til staðar fyrir mig, hefur verið það frá því við kynntumst og verður það um alla tíð.
Ég vona að hann finni að ég er það fyrir hann líka.
Ég vissi ekki að brúðkaupið myndi breyta einhverju, bjóst í raun ekki við að það breytti neinu þannig en tilfinningin er svo góð að ég get ekki einu sinni lýst henni.

Í Júní fórum við svo í brúðkaupsferðina til Tenerife. Þar vorum við í 2 vikur með Hemma, Elsu og Söru og höfðum það alveg frábært. Við eyddum miklum tíma á ströndinni, fórum að kafa, versluðum, strákarnir fóru í motocross, endalausar ferðir út að borða og fleira og fleira og fleira... Frábær ferð í alla staði og mig langar bara aftur núna þegar ég er að skrifa um þetta!!
Sama dag og við komum heim komu til okkar gestir frá noregi sem voru hjá okkur í viku. Ótrúlega gaman Í enda Júní tók ég líka þá ákvörðun að hætta að vinna í kringlunni og bara í þessum fatabransa yfir höfuð. Sagði upp og fór í að huga að því hvað ég vildi gera næst.

Í enda Júlí fórum við á Franska daga á Fáskrúðsfirði. Þar vorum við hjá Sigrúnu og Bjarna yfir helgina og skemmtum okkur konunglega Alltaf jafn frábært að eyða tíma með þeim Við fórum líka á fiskidaginn á Dalvík og Hermann og Elsa komu  með okkur.
Þetta voru skemmtilegar ferðir og góður partur af þessu skemmtilega sumri.

Eftir þetta komst líka á hreint hvað ég væri að fara að vinna við. Tók ákvörðun um að prófa það sem ég mig hefur alltaf langað til að prófa: að vinna á leikskóla. Fékk vinnu á leikskólanum Maríuborg í grafarholti og byrjaði þar þann 15. september.
Hef sjaldan verið eins ánægð í neinni vinnu og á sama tíma sjaldan eins þreytt :Þ Já, þau eru ansi kröfuhörð þessi börn hehe. 

Þetta haust er búið að vera ansi brjálað og skrítið hérna á litla landinu okkar og það fór heldur ekkert framhjá okkur.
Í október missti Gunni vinnuna.. ekki auðvelt að vera atvinnulaus smiður á þessum tímum en hann hafði ýmislegt uppi í erminni sem hann get tekið í næstu 4 vikurnar eða svo.. og þegar þau verk voru nánast búin þá datt hann niður á vinnu sem hann ætti að vera öruggur með í amk 1 og hálft ár.. alltaf eltir heppnin okkur hjónin! Svo við erum bara í fínni stöðu þannig séð og ég þakka bara fyrir það.

í Nóvember varð Gunni þrítugur og við fögnuðum því í bústað í Ölfusborgum við Hveragerði, áttum þar æðislega helgi og eyddum tíma með góðu fólki

Þá held ég að árið sé komið svona að mestu leiti  og ég er orðin þreytt á að blogga, alveg komin úr æfingu hehehe :Þ

Gleðileg jól og ég býð árið 2009 velkomið

Kveðja Anna Sigrún

Já, finally förum við norður
Leggjum af stað eftir vinnu á morgun og ég fer heim á mánudagsmorgun til að fara að vinna. Gunni verður eftir í 2-3 daga til að vinna hjá mömmu og Óskari.

Ekkert mikið annað að frétta... nema kannski að ég tók mér Gunna til fyrirmyndar og er farin að mæta í ræktina kl. 6:00 á morgnana!! Þrisvar í viku, hann fer í herþjálfun og ég á konunámskeið, rosa gaman Er líka búin að vera rosalega dugleg með mataræðið og er hætt að drekka gos, borða nammi og lifi á yndislegu heilsufæði þessa dagana hehe. Það gengur bara frábærlega og vonandi heldur það áfram svoleiðis!

Heyri í ykkur

later

Já, vegna veðurs og vinnu hjá Gunna þá komum við ekki norður fyrr en 7. nóvember.
Bara að láta vita!

Já, það er frábært að vinna á leikskóla... að flestu leiti!
ókosturinn eru flensurnar sem ganga stanslaust og ég náði mér í eina þeirra í gær, vaknaði með þessa líka ógeðslegu gubbupest, upp og niður og í allar áttir :Þ Er ennþá heima að jafna mig en er þó búin að ná að koma niður örlitlum mat og halda honum niðri, jibbí!

Annars er þessi yndislega kreppa aðeins farin að hafa áhrif á heimilisfólkið hérna í Friggjarbrunni 8, búin að vera mikil óvissa með vinnuna hjá Gunna en það virðist vera að rætast úr því. Það er víst ekki tekið út með sældinni að vera verktaki þessa dagana.

Það er frænkuhittingur hjá mér um helgina, hlakka til að sjá stelpurnar. Maður hefur gott af því að lyfta sér aðeins upp og dreifa huganum frá endalausum niðurdrepandi fréttum.

Við förum norður föstudaginn 24. okt og ég flýg heim á mánudagsmorgni, vonandi sé ég gellurnar mínar fyrir norðan

Bið að heilsa ykkur
later

best að hlýða Herdísi, þori ekki öðru!
Ætla ekki að tjá mig mikið um þjóðfélagsmálin í dag, örugglega nóg af svoleiðis bloggum í dag.
Fór í afmæli um helgina. Það var verið að ræða um kreppuna og stöðuna í landinu og maður heyrði vel hversu "vel" sumir eru inni í þessum málum.
Ástæðan fyrir því að ég vil ekki tjá mig mikið um þessi mál er sú að ég er ekki viss um að ég sé nógu vel að mér í þeim og langar ekki að hljóma eins og gaurinn í afmælinu sem var að fræða einhvern útlending um stöðu mála á Íslandi í dag. Ein setning sem kom frá þessum annars ágæta dreng var: "one third is in europe..... or the U.S...... or somewhere"
Greinilega með þetta allt á hreinu!

Annars gengur vel í nýju vinnunni, maður er svona að verða komin inn í þetta og mér líkar þetta ótrúlega vel, þetta á vel við mig.

Dagvaktin er byrjuð og er SNILLD! Strax komnar ódauðlegar setningar eins og:
"Hvar ertu með liminn Ólafur?"
"Ég klæddi  mig í sultuna"
"Hvar er lykilinn óóó"
"Eigum við að fá okkur gott í kroppinn?"

Ohh, ég fer bara að hlægja af því að hugsa um þáttinn í gær, þvílík snilld!!

Jæja, þetta hlýtur að vera komið nóg
later

Búin að bæta við albúmi í myndasöfnin, brúðkaupsmyndir. Þetta eru myndirnar frá Telmu, við erum komin með nýja tölvu svo ég gat sett þær inn.

Ekki margar en einhverra hluta vegna vildi blogcentral bara að ég sýndi ykkur þessar hehe..

enjoy

já, fyrirsögnin segir það sem segja þarf...

Er ekki búin að vera sú hressasta síðustu vikurnar. Byrjaði á að verða agalega slöpp í einhverja daga, beinverkir og dúndrandi hausverkur sem engin verkjalyf virkuðu á. Náði að jafna mig á því og þá verður Gunni veikur! Fær einhverja ógeðslega flensu. Fyrst var ég að vona að þetta væri það sama og ég hafði verið með en nei, þetta var bara kvef og hálsbólga og hiti og viðbjóður.... og auðvitað náði hann að smita mig af því...

Svo síðan á síðasta laugardag er ég búin að vera með viðbjóðsflensu, byrjaði á kvefi, fór yfir í berkjubólgu og nú er ég komin með lungnabólgu Er komin með púst og sýklalyf sem ég á að taka í heila 15 daga, hverki meira né minna. Og ekki til að hjálpa þá er ég búin að vera að vinna stanlaust í 2 vikur án frídags svo ég er orðin uppgefin. Það er ekki gaman að vinna með lungnabólgu, maður er móður af því að labba 2-3 skref! Þegar ég labba upp stigann hérna heima þá er eins og ég hafi verið að hlaupa uppá 8. hæð!! Sem betur fer gat ég unnið stutt í dag þar sem yndisleg systir mín gat tekið vaktina mína og ég þurfti bara að fara að leysa af í mat og svona. Enda fékk ég þau fyrirmæli frá lækninum í gær að ég mætti alls ekki fara í vinnuna, það er bara erfitt að fara eftir því þegar það er svona rosalega undirmannað eins og er hjá okkur þessa dagana. En ég á frí alla helgina og það er rosalegur léttir

Nú er líka orðið opinbert að Fat face verður lokað, sennilega í enda þessa mánaðar. Enda var ALLT starfsfólkið (við allar fjórar sem vorum búnar að þrauka þarna hehe) búið að segja upp, allir búnir að fá nóg eins og staðan var. Ég held að þetta sé búð nr 6 í kringlunni sem lokar bara síðan í mars eða apríl.. sýnir aðeins ástandið í landinu í dag.

Það sem er samt leiðinlegt við það er að þessi búð er svona fastakúnna búð, þetta er ákveðinn stíll og ákveðinn hópur sem verslar þarna og þá mikið af fólki sem verslar bara þarna og er oft klætt í föt frá okkur frá toppi til táar hehe.. og nokkrir af þessum fastakúnnum eru búnir að koma í búðina síðustu daga og við höfum þá verið að segja þeim að búðin sé að fara að loka og ég sver það, ein kona þurfti að halda aftur af sér að fara ekki að gráta greyið! Margt af þessu fólk sem ég er búin að hitta jafnvel nokkrum sinnum í mánuði síðustu 2 árin og þekki jafnvel með nafni. Það er skemmtilegi hlutinn við að vinna í svona búð, maður kynnist kúnnunum betur en t.d. þegar ég var að vinna í topshop og dp.

Á mánudaginn hefst síðan síðasta vikan mín þarna og svo er það bara leikskólinn
Hlakka svakalega til, fór á deildarfund þar í síðustu viku og leist alveg svakalega vel á starfsfólkið, sérstaklega þær á minni deild. Alveg ótrúlega hressar stelpur. Deildin heitir Brekka og það er elsta deildin. Ég mun koma til með að sjá um yngri hópinn á þessari deild og ég hlakka mikið til Það eru þá börn sem eru jafngömul Aldísi Lóu.

Svo var ekki verra að ég komst að því á þessum fundi að áætluð er ferð allra starfmanna til New York í enda apríl, námsferð þar sem við munum skoða leikskóla og fleira Þar sem ég hef aldrei komið til NY þá er þetta auðvitað geðveikt spennandi

Svo er líka annað, ég ætla nú reyndar að sjá hvernig mér líkar þessi vinna en ég er búin að vera að hugsa um að fara kannski að læra leikskólaliða, það er skóli sem ég get auðveldlega tekið með vinnunni því hann er bara 1 kvöld í viku ef ég man rétt.. og það er alveg eitthvað sem ég treysti mér í því ég er nú ekki með mesta skólaáhugan!

Jæja, ég er orðin viðbjóðslega þreytt og kisa er að væla á vatn, fröken sérvitur neitar að drekka úr dallinum sínum og vill bara rennandi vatn úr krananum á baðvaskinum
Best að fara að skrúfa frá..

later

Já loksins ætla ég að koma mér í að blogga eitthvað

Það er svosem ýmislegt búið að gerast síðan ég bloggaði síðast, enda langt síðan.

Við fórum á Franska daga á Fáskrúðsfirði þar sem við vorum í góðu yfirlæti hjá Sigrúnu Evu og Bjarna. Það var frábært að fara austur og við tókum almennilega á því í djamminu þar

Um versló fórum að seljalandsfossi eftir vinnu á laugardeginum og gistum þar í eina nótt ásamst stórum og góðum hópi. Þar var trallað fram eftir nóttu nema undirrituð sem var svo þreytt eftir vinnuna að hún var komin í tjaldið um kl 1! Á sunnudeginum var svo farið að rigna vel svo við kíktum á laugarvatn þar sem við grilluðum með tengdafjölskyldunni og eyddum smá tíma með þeim. Svo fórum við á Borg í Grímsnesi til Mæju og Sissa. Þar var allur hópurinn úr útilegunni samankominn og aftur var djammað vel. Í þetta skiptið var ég með þeim síðustu í bólið

Við fórum svo líka á fiskidaginn á Dalvík og tókum í þetta sinn Hermann og Elsu með okkur.
Við mættum á svæðið seint á föstudagskvöldið og kíktum smá hring um dalvík áður en við fórum í Dæli til að hvíla okkur fyrir sjálfan fiskidaginn.
Á laugardeginum var brunað á bryggjuna þar sem við átum vel af fiski og horfðum á ýmis skemmtiatriði. Eftir það leituðum við vel og lengi að sléttum bletti til að tjalda á.. það tókst á endanum og lentum við rétt hjá Sigrúnu og Bjarna og fleira góðu fólki frá fáskrúðsfirði. Þau voru þarna á forláta húsbíl og fellihýsi og voru búin að koma upp fínni partíaðstöðu, að sjálfsögðu eyddum við kvöldinu þar fram að flugeldasýningu kíktum svo í bæinn og á barinn og hittum fullt af fólki.
Verð nú að minnast á að flugeldasýningin var sú flottasta sem ég hef séð, mun flottari en sú sem ég sá hérna í fyrrakvöld á menningarnótt
 Við erum semsagt búin að vera ágætlega dugleg að skemmta okkur í sumar, duglegri en yfirleitt amk!

Annars fer nú að líða að því að ég fari að byrja í nýju vinnunni minni
Já, ég er búin að fá leið á kringlunni og tískubransanum yfir höfuð! Sagði upp í júní og byrja í nýju vinnunni þann 15. september
Ég er semsagt að fara að vinna á leikskólanum Maríuborg í Grafarholti, hlakka ótrúlega mikið til   Verður frábært að fara að vinna með börnum, þau eru svo skemmtileg. Og ekki verra að þetta er bara rétt hjá heima hjá mér OG ég get algjörlega kvatt helgarvinnu!

Jæja, langt og gott blogg, vona að ég fái einhver komment og að það séu ekki allir hættir að lesa bloggið mitt!

Vil svo skila baráttukveðjum til hennar Sollu mágkonu minnar, vona að þú farir að sjá fyrir endan á þessum veikindum elsku Solla mín. Ég er dugleg að hugsa til þín og ég vona að það skili sér, það er rosalega erfitt að vera svona langt í burtu þegar svona stendur á.
Þessa dagana bið ég bænirnar mínar eins og amma í Litla-Haga kenndi mér.

Þið hin megið svo kvitta svo ég viti nú af því ef einhver er enn að skoða síðuna mína!

later

Búin að gera albúm með Tenerife myndum, vona að það virki
Ath. að myndirnar eru ekki í réttri röð!
Kv. Anna

Jæja við erum komin heim frá Tenerife, ég hef aldrei orðið eins brún og þó er ég ekkert brún við hliðina á Gunna
Það var geðveikt úti, lágum mikið í leti, fórum á ströndina, út að borða á hverjum degi og bara æðislegt allt saman.
Við fórum líka að kafa, það var frábært. Sáum skjaldbökur og ég synti með fullt af nemó fiskum Já, bara öllum fiskategundunum úr Nemó held ég hehe!

Ætla bara að hafa þetta blogg mjög stutt en set inn myndir seinna

later, er farin að djamma með norðmönnunum sem eru hérna hjá okkur

Jæja, þá erum við komin aftur heim, búin að vera gift í 3 daga og 6 tíma

Þetta var bara allt saman æðislegt, kirkjan og veislan og allt saman.

Langar bara að þakka öllum sem komu og öllum sem hugsuðu til okkar og öllum sem sendu sms.. svaraði engum þeirra því ég sá þau öll svo seint.. svo ég segi bara takk  núna

Ég veit ekki hvað á annað að segja en takk! Tilfinningin að vera gift kona er æði.. tilfinningin að vera gift honum Gunna er ólýsanleg.

Svo er það bara raunveruleikinn á morgun, vinna í fyrramálið.... í 20 daga og svo Tenerife!

later

Jæja, ég er að fara útí bíl á leið á flugvöllinn.
Komin í frí og kem ekki aftur fyrr en eftir brúðkaup


6 dagar... eftir 6 daga þá verð ég frú!

Undirbúningur brúðkaupsins okkar er í hámarki núna, allt að verða komið og fátt eftir.

Við erum bara orðin ótrúlega spennt, bæði 2

Hringarnir okkar eru núna í "yfirhalningu", verið að pússa og bæta dagsetningunni inní þá, sæki þá á morgun. Kjóllinn minn er tilbúinn, búið að stytta og gera hann eins og hann á að vera. Gunni leigir föt hjá brúðarkjólaleigu Dóru (frábær þjónusta þar by the way).

Ég vinn svo út þessa viku og fer norður á sunnudaginn. Verð svo fyrir norðan í lokaundirbúningi og kem ekki aftur heim fyrr en ég er gift
Gunni kemur svo á miðvikudagskvöldið þar sem hann þarf að sinna ýmsu hérna þangað til.

PEOPLE!!!!! Á þessum tíma eftir 12 daga þá verð ég GIFT KONA

later

Copy/paste af gæsunarsíðunni:

Hakkaði mig hérna inn núna í morgun til að koma því á framfæri við ykkur að þið eruð allar bestar í heimi!!
Vissi að ég ætti yndislegar vinkonur en þið eruð VINKONURNAR!! The vinkonur á heimsmælikvarða!
Dagurinn var frábær í alla staði og bara til að taka allan vafa af því þá hefði ég ekki getað planað þetta betur sjálf, þó ég hafi nú reynt!
Vá, ég trúi því varla hversu margar mættu á svæðið, sumar komandi frá Borg, Flúðum, Laugarvatni og alla leið frá Akureyri og jafnvel Dalvík... fyrir mig! Langar bara að gráta og taka trúnó á þetta þegar ég hugsa um hvað þið eruð allar yndislegar.

Enn og aftur TAKK TAKK TAKK TAKK og við sjáumst 17. maí

Sjúdd'ann!
Kv Anna Sigrún